Drejtori i SHKK-së pret dy zyrtarë të FBI-së
Bashkëpunimi i Shërbimit Korrektues me Byronë Federale do të fokusohet në menaxhimin e rreziqeve dhe ngritjen e kapaciteteve.
PRISHTINË — Drejtori i Përgjithshëm i Shërbimit Korrektues të Kosovës, Ismail Dibrani, ka pritur në takim dy zyrtarë të Byrosë Federale të Hetimeve për të diskutuar thellimin e bashkëpunimit në fushën e sigurisë dhe zbatimit të ligjit.
Sipas njoftimit zyrtar të SHKK-së, takimi u përqendrua në parandalimin e terrorizmit dhe menaxhimin e rreziqeve të sigurisë. Të dyja palët diskutuan gjithashtu për forcimin e kapaciteteve profesionale përmes shkëmbimit të përvojave dhe praktikave më të mira ndërkombëtare.
Niveli i deritanishëm i partneritetit u cilësua si shumë i rëndësishëm për ngritjen e kapaciteteve të SHKK-së dhe përballimin e sfidave të përbashkëta në fushën e sigurisë.
Burim: Kallxo
— Redaksia ZHURMA