Çfarë ofron Plani Operativ 2026 për të rinjtë e Maqedonisë?
Qeveria VLEN nisi zbatimin e planit 40-milionësh për punësim — deri në 10 mijë euro për çdo të ri që hap biznes.
SHKUP — Me publikimin e thirrjes publike për masën e vetëpunësimit, ka nisur zbatimi i Planit Operativ për Punësim 2026, që qeveria VLEN e vlerëson si një nga asetet më të çmueshme të mandatit të saj në fushën e ekonomisë dhe punësimit.
Të rinjtë deri në 29 vjeç mund të përfitojnë deri në 10 mijë euro për hapjen e biznesit të tyre, ndërsa personat mbi 29 vjeç deri në 7 mijë euro. Për ata që themelojnë kompani së bashku, mbështetja shkon deri në 20 mijë euro. Aplikimet për këtë masë janë të hapura deri më 3 korrik.
Plani Operativ 2026 peshon rreth 40 milionë euro dhe parasheh mbështetje për mbi 10 mijë qytetarë përmes masave për vetëpunësim, hapje vendesh të reja pune, trajnime, praktikë profesionale, dhe kategori të tjera që kanë nevojë për përkrahje. VLEN e pozicionon këtë si pjesë të politikave për uljen e papunësisë dhe rritjen e mirëqenies.
Qeveria u bën thirrje të rinjve dhe të rejave të aplikojnë në Qendrat e punësimit në vend, duke iu dhënë mundësi të ndërtojnë të ardhmen në vendlindje.
Burim: Almakos
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.