Pinea Matoshi fiton çmimin «Young Actors Award 2026» në Gjermani

Aktorja e re Pinea Matoshi ka fituar çmimin «Young Actors Award 2026» në edicionin e 75-të të Festivalit Ndërkombëtar të Filmit Mannheim-Heidelberg në Gjermani. Ky vlerësim i është ndarë asaj për interpretimin në filmin «Dua», i cili vjen me regji të Blerta Bashollit dhe sjell ngjarjet e vendosura në Prishtinën e periudhës para luftës në Kosovë, në fund të viteve 1990.

Juria ndërkombëtare e festivalit e ka vlerësuar Matoshin për rolin e saj debutues në kinematografi, ku ajo mban rolin kryesor si një vajzë. Në njoftimin zyrtar për çmimin theksohet se «Duke e parë në rolin e Duas, është e vështirë të besohet se ky ishte roli i saj i parë». Historia e filmit ndjek përjetimet e një vajze gjatë periudhës para konfliktit, duke trajtuar temat e frikës, pasigurisë, miqësisë dhe qëndresës përballë rrethanave të vështira.

Projekti kinematografik «DUA» është realizuar nën drejtimin e regjisores Blerta Basholli, ndërsa ekipa përfshin gjithashtu producentin Valon Bajgora dhe bashkëskenaristen Nicole Borgeat.