Petrushevski akuzon LSD, BDI e Taravarin për standarde të dyfishta
Deputeti thotë se pushteti vendor s'e zgjidhi dot ujin e ndotur në Gostivar, prandaj ndërhyu qeveria qendrore.
GOSTIVAR — Deputeti i OBRM-PDUKM-së, Brane Petrushevski, akuzoi LSD-në, BDI-në dhe Taravarin për standarde të dyfishta në prag të zgjedhjeve të përsëritura lokale në Gostivar. Sipas tij, ndërsa këto parti kërkojnë çdo ditë dorëheqje dhe përgjegjësi politike nga kundërshtarët, heshtin për kandidatin e tyre, Valbon Limanin.
Filipçe kishte bërë thirrje për mobilizim të anëtarëve dhe mbështetje për Limanin, duke thënë se partia ka shanse serioze të jetë pjesë e qeverisjes së ardhshme lokale. Petrushevski iu përgjigj se qytetarët e dinë mirë se LSD-ja qeveris në Gostivar bashkë me Ahmetin dhe Taravarin.
Petrushevski vlerësoi se udhëheqja lokale e LSD-së, BDI-së dhe Taravarit dështoi të zgjidhë problemin e ujit të ndotur në Gostivar, prandaj qeveria qendrore mori përsipër zgjidhjen e krizës në kohë rekord. Uji i ambalazhuar u sigurua për qytetarët, uji nga rrjeti tashmë përdoret teknikisht dhe së shpejti pritet të jetë i pijshëm.
Burim: Telegrafi
— Redaksia ZHURMA