Çfarë ndodhi në përleshjen me armë zjarri në Podujevë?

PRISHTINË — Prokuroria Themelore në Prishtinë ka bërë të ditur se tre persona kanë qenë të përfshirë në përleshjen me armë zjarri, ndërsa personi i katërt i plagosur ishte kalimtar rasti. Departamenti për Krime të Rënda njofton opinionin publik se sot, rreth orës 13:40, në sheshin ‘’Bulevardi i Dëshmorëve’’ në Komunën e Podujevës, ka ndodhur një përleshje e armatosur ndërmjet tre (3) personave.

Si pasojë e të shtënave me armë zjarri, lëndime trupore kanë pësuar tre (3) persona të përfshirë në ngjarje, si dhe një kalimtar i rastit. Gjithashtu, Prokuroria ka theksuar se dyshohet se të përfshirët në këtë përleshje me armë zjarri kanë lidhje familjare, saktësisht nip dhe dajë. Ndërsa motivi dyshohet se ka të bëjë me një mosmarrëveshje paraprake.

Ndërsa për gjendjen e katër të plagosurvë ka folur, drejtori i Emergjencës, Naser Syla, i cili tha se gjendja e tyre aktualisht është stabile, por e rëndë. Ai gjithashtu bëri të ditur se njëri prej të plagosurve tashmë ka hyrë në sallën e operacionit.

Burim: Nacionale, https://nacionale.com/politike/prokuroria-del-me-detaje-nga-ngjarja-ne-podujeve-te-plagosurit-jane-daje-dhe-nip-motivi-nga-nje-mosmarreveshje-ne-te-kaluaren — Redaksia ZHURMA