PDK: Aktgjykim i padrejtë, beteja për drejtësi vazhdon

Partia Demokratike e Kosovës ka shprehur indinjatën, zhgënjimin dhe kundërshtimin e saj për aktgjykimin e Gjykatës Speciale në Hagë ndaj Hashim Thaçit, Kadri Veselit, Jakup Krasniqit dhe Rexhep Selimit. Sipas një njoftimi për media, në Hagë u godit rëndë e drejta e popullit që luftoi për liri, mbijetesë dhe çlirim nga regjimi shtetëror serb.

PDK ka theksuar se ky aktgjykim është një padrejtësi e madhe që mbështetet në pretendime dhe materiale të fabrikuara nga propaganda e Serbisë, duke shtuar se beteja për drejtësi do të vazhdojë deri në fund me të gjitha mjetet demokratike.