Rama: SHBA nisi Dialogun Strategjik me Serbinë, ndërsa me Kosovën mbetet i pezulluar

Kryetari i Prishtinës, Përparim Rama, ka reaguar lidhur me zhvillimet e fundit në marrëdhëniet mes Kosovës dhe Shteteve të Bashkuara të Amerikës, duke shprehur shqetësim për pezullimin e Dialogut Strategjik me Kosovën. Rama ka theksuar se, në kohën kur SHBA-ja ka nisur Dialogun Strategjik me Serbinë, i cili përfshin fusha si energjia, siguria, infrastruktura, teknologjia dhe mbrojtja, bashkëpunimi i nivelit të lartë me Kosovën mbetet i ndalur.

Sipas tij, në raport me Serbinë janë përcaktuar fusha të reja bashkëpunimi dhe investimesh afatgjata, ndërsa ndaj Kosovës është përcjellë një mesazh ndryshe. Rama ka rikujtuar edhe deklaratat e ish-ambasadorit amerikan në Kosovë, Jeffrey Hovenier, për dëmtimin e imazhit të Kosovës në Uashington, duke kërkuar përgjigje nga kryeministri në detyrë, Albin Kurti.

Burim: Gazeta Metro, gazetametro.net — Redaksia ZHURMA