Ambasada e SHBA-së: Dialogu strategjik me Kosovën kur të krijohen kushtet
Dialogu strategjik ndërmjet Shteteve të Bashkuara dhe Kosovës mbetet i pezulluar deri në plotësimin e kushteve dhe zotimeve.
Redaksia ZHURMA · · 1 min lexim
Ambasada e Shteteve të Bashkuara të Amerikës në Kosovë ka bërë të ditur se vazhdimi i dialogut strategjik varet nga përmbushja e zotimeve të Kosovës ndaj serbëve lokalë. Sipas një përgjigjeje zyrtare, ky proces ishte ndërprerë në shtator të vitit 2025 për shkak të veprimeve të ndërmarra nga qeveria e atëhershme në detyrë.
Zëdhënësi i ambasadës amerikane theksoi se mbetet përkushtimi për të avancuar interesat e përbashkëta ndërmjet Shteteve të Bashkuara dhe popullit të Kosovës. «Shtetet e Bashkuara e pezulluan për një kohë të pacaktuar dialogun strategjik SHBA–Kosovë në shtator të vitit 2025, për shkak të shqetësimeve lidhur me veprimet që kishte ndërmarrë qeveria e atëhershme në detyrë. Ne mbetemi të përkushtuar për avancimin e interesave të përbashkëta të Shteteve të Bashkuara dhe popullit të Kosovës. Presim që të zhvillojmë dialog strategjik me Kosovën kur të krijohen kushtet e duhura, përfshirë përmbushjen nga Kosova të zotimeve të saj në raport me serbët e Kosovës», thuhet në njoftim.
