Protestuesit ironizojnë emigrimin në natën e 69-të para Kryeministrisë

TIRANË — Një pankartë me mbishkrimin ironik “Ikin viganët, vijnë mjeranët” ka tërhequr vëmendjen në tubimin e zhvilluar para Kryeministrisë. Kjo ishte nata e 69-të e protestës kundër qeverisë, ku protestuesit shfaqën thirrje dhe banderola të ndryshme për të shprehur pakënaqësinë e tyre ndaj situatës politike dhe emigrimit në vend.

Pranë këtij mesazhi ishte vendosur edhe shënimi “Pasaporta europiane”, si një referencë satirike ndaj debateve politike dhe premtimeve për integrimin europian. Pankarta u kthye në një nga mesazhet më të komentuara të mbrëmjes në shesh, krahas thirrjeve të tjera të shpalosura nga pjesëmarrësit.

Burim: BalkanWeb
— Redaksia ZHURMA