Osmani takohet me ambasadorin britanik për sfidat e Kosovës

Ish-presidentja e Kosovës, Vjosa Osmani, është takuar me ambasadorin e Mbretërisë së Bashkuar, Jonathan Hargreaves, për të diskutuar rreth sfidave aktuale dhe nevojës për forcimin e marrëdhënieve dypalëshe.

Nëpërmjet një postimi në rrjetin social Facebook, ajo ka theksuar se gjatë periudhës së saj në krye të shtetit ka nisur bisedimet për një marrëveshje strategjike në fushën e mbrojtjes dhe ekonomisë me shtetin aleat.

«Mbretëria e Bashkuar është ndër shtetet e para që i qëndruan pranë Kosovës në momentet më vendimtare të historisë sonë», ka deklaruar ajo, duke shtuar se bashkëpunimi mbetet kyç edhe me aleatët e tjerë të NATO-s për subjektivitetin ndërkombëtar të vendit.