“Ora e Pritjes” në Gjakovë, baneri “Të pafajshëm” për krerët e UÇK-së

MITROVICË — Platforma qytetare “Liria Ka Emër” ka vendosur edhe në Gjakovë “Orën e Pritjes”, duke numëruar mbrapsht drejt 16 shtatorit, kur pritet aktgjykimi për ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi. Në aktivitet morën pjesë përfaqësues të platformës, deputetë dhe qytetarë të shumtë, të cilët mbanin pankarta me mesazhin “Në emër të popullit, shpalleni TË PAFAJSHËM!”.

Ky veprim vjen pas një nisme të ngjashme në Mitrovicë, ku “Ora e Pritjes” u vendos më herët. Aktivitetet e platformës pritet të kulmojnë me “Marshin për Liri” më 12 shtator në sheshin “Skënderbeu” në Prishtinë, ku qytetarët ftohen të bashkohen në mbështetje të çlirimtarëve.