Operacioni “Guns 3”: Arrestohet 17-vjeçari me pushkë dhe fishekë në Tiranë
Një i mitur është vënë në pranga në fshatin Allgjatë gjatë një operacioni policor kundër armëmbajtjes pa leje.
Redaksia ZHURMA · · Përditësuar · 1 min lexim
TIRANË — Policia e Tiranës ka finalizuar operacionin e koduar “Guns 3”, duke vënë në pranga një 17-vjeçar pasi u kap duke lëvizur i armatosur në rrugën e fshatit Allgjatë. I mituri, me banim në Vaqarr, u ndalua në flagrancë nga shërbimet e Komisariatit të Policisë Nr. 6 pas administrimit të informacioneve të siguruara në rrugë operative.
Gjatë kontrollit, efektivët sekuestruan një armë zjarri të dyshuar si pushkë gjysmëautomatike dhe 140 fishekë luftarakë, të cilat i dyshuari i posedonte pa lejen përkatëse. Materialet procedurale i kanë kaluar Prokurorisë për veprime të mëtejshme ligjore.