Operacioni “Brothers”: Kapet 23-vjeçari në Mirditë për plagosjen në Rrëshen
Policia finalizon operacionin në Mirditë dhe kap 23-vjeçarin e shpallur në kërkim, ndërsa vijojnë kërkimet për vëllain e tij lidhur me ngjarjen e 27 tetorit.
Redaksia ZHURMA · · 1 min lexim
Njëzet e tre vjeçari A. Gj., banues në Ndërfushaz të Rrëshenit, është vënë në pranga gjatë një operacioni policor të koduar «Brothers», pasi Gjykatës së Shkallës së Parë të Juridiksionit të Përgjithshëm Lezhë i kishte caktuar masën e sigurisë «Arrest në burg».
Sipas autoriteteve, i riu akuzohet për veprën penale «Plagosja e rëndë me dashje», kryer në bashkëpunim me vëllanë e tij, 31-vjeçarin J. Gj., i cili ndodhet ende në kërkim. Ngjarja dyshohet se ka ndodhur më datë 27.10.2026, ku dy vëllezërit kanë goditur me mjete të forta 38-vjeçarin E. Gj.
Operacioni për kapjen e të riut u finalizua nga Sektori për Hetimin e Krimeve të Rënda i DVP Lezhë, në bashkëpunim me shërbimet e Forcës së Posaçme «Shqiponja», Seksionin e Mbështetjes Operacionale dhe komisariatin lokal. Materialet procedurale i janë referuar Prokurorisë për veprime të mëtejshme.
