Nxënësja në Prizren gjen kuletën me para dhe e dorëzon në polici
Një nxënëse e Shkollës së Ekonomisë në Prizren ka gjetur një kuletë me para dhe dokumente dhe e ka dorëzuar në polici.
Redaksia ZHURMA · · Përditësuar · 1 min lexim
PRIZREN — Një nxënëse e Shkollës së Ekonomisë në Prizren, O.T., e lindur në vitin 2011, ka treguar shembull të ndershmërisë qytetare pasi ka gjetur një kuletë me para dhe dokumente personale dhe e ka dorëzuar në polici. Sipas Policisë së Kosovës, rasti ka ndodhur më 25 gusht 2026, rreth orës 20:45, në rrugën “Ekrem Rexha”. Ajo, së bashku me prindin e saj, e ka dërguar menjëherë kuletën në Stacionin Policor të Trafikut në Prizren. Përmes dokumenteve identifikuese, policia ka arritur të kontaktojë me pronarin, i cili është paraqitur në stacion dhe e ka marrë kuletën e tij, duke shprehur falënderim për aktin e ndershëm të qytetares.
