Nis edicioni i 88-të i Kategorisë Superiore me sfidën Vllaznia-Skënderbeu
Fhillet edicioni i ri i elitës së futbollit shqiptar me ndeshjen hapëse mes Vllaznisë dhe Skënderbeut në stadiumin “Loro Boriçi”.
Ka nisur edicioni i 88-të i “Abissnet Superiore”, elita e futbollit shqiptar, me sfidën Vllaznia–Skënderbeu që luhet në orën 21:00 në stadiumin “Loro Boriçi”. Ndeshja çel zyrtarisht sezonin 2026-2027, ndërsa kampionati i ri vjen me ndryshime në format dhe me synimin për të rritur konkurrencën deri në javët e fundit.
Edicioni do të zhvillohet në tri faza të rregullta, përpara ndarjes së skuadrave në play-off dhe play-out. Në prag të startit, Presidenti i FSHF-së, Armand Duka, uroi klubet, futbollistët, trajnerët, arbitrat dhe tifozët, duke vënë theksin te zhvillimi i talenteve dhe profesionalizimi i futbollit shqiptar, si dhe te rregulli i ri për aktivizimin e detyrueshëm të lojtarëve të rinj.