NHTSA: Pronarët e 720,000 automjeteve BMW t’i parkojnë jashtë
Institucioni amerikan kërkon parkimin në ambient të hapur të automjeteve BMW për shkak të rrezikut të flakëve.
Redaksia ZHURMA · · Përditësuar · 1 min lexim
Një vendim i fundit u kërkon poseduesve të mbi 720,000 makinave të prodhuesit gjerman t'i lënë ato në hapësira të jashtme, larg objekteve dhe mjeteve të tjera. Sipas Administrata Kombëtare për Sigurinë e Trafikut në Autostrada, masa prek gjithsej 720,796 vetura, të cilat rrezikojnë të marrin flakë edhe kur qëndrojnë të fikura dhe të parkuara.
Kompania njoftoi se defekti lidhet me një lidhës elektrik të paisoluar mjaftueshëm në pompën e ujit, i cili mund të bjerë në kontakt me ujin dhe të sjellë qark të shkurtër. Këto mjete kishin qenë subjekt i një tërheqjeje të ngjashme gjatë vitit 2024, ndërsa prodhuesi po përpiqet të gjejë një zgjidhje përfundimtare dhe deri më tani ka regjistruar dhjetë raste zjarri pas ndërhyrjeve të mëparshme riparuese.
