Çfarë ngjarje të rënda ndodhën në Kosovë gjatë 24 orëve të fundit?
Policia e Kosovës raporton 14 arrestime dhe 20 aksidente me të lënduar, armëmbajtje dhe dhunë në familje
PRISHTINË — Policia e Kosovës ka publikuar raportin 24-orësh, në të cilin janë evidentuar një sërë incidentesh kriminale dhe ngjarjesh të tjera në vend. Gjatë kësaj periudhe janë arrestuar 14 persona, ndërsa 6 persona janë dërguar në mbajtje.
Një nga rastet më serioze është raportuar në rrugën “Rrustem Statovci” në Prishtinë, ku një zjarr përfshiu një objekt banesor. Banorët u evakuuan nga policia, ndërsa zjarri u shua nga zjarrfikësit.
Si pasojë, tre banorë dhe katër zjarrfikës pësuan lëndime trupore dhe morën trajtim mjekësor. Rasti është duke u hetuar.
Në Fushë Kosovë, një grua dyshohet se u sulmua fizikisht nga bashkëshorti i saj. Viktima mori trajtim mjekësor, ndërsa i dyshuari u arrestua dhe më pas u lirua në procedurë të rregullt.
Burim: Ekonomia Online
— Redaksia ZHURMA