Ndihma e Shpejtë selekton thirrjet për shkak të mungesës së ekipeve
Mungesa e personelit dhe mbingarkesa në spitale detyrojnë Shërbimin e Ndihmës së Shpejtë të kufizojë realizimin e shërbimeve.
Redaksia ZHURMA · · 1 min lexim
Shërbimi i Ndihmës së Shpejtë përballet me rreth shtatëdhjetë thirrje që në orët e para të mëngjesit, por pamundësia operacionale detyron selektimin e rasteve emergjente. Sipas mjekut Rihad Rexhepi, numri i ulët i ekipeve shoqërohet edhe me vonesa disorëshe gjatë pranim-dorëzimit të pacientëve në spitale, pasi institucionet shëndetësore janë të mbingarkuara nga i gjithë vendi dhe shpesh bllokojnë dy deri në tre ekipe në të njëjtën kohë.
Sektori i transportit të pacientëve vuan gjithashtu nga bllokimet e korsive të veçanta, ku parkohen automjete ose autoambulanca të tjera. Rexhepi shtoi se shoferët e angazhuar në transportin e pacientëve për kontrolle apo incizime po ndëshkohen së fundmi me gjoba nga policia për shpejtësi të tejkaluar. Qarkullimi i vështirësuar pranë klinikave mbetet sfidë për shkak të veturave të parkuara, ku ndërhyrja e policisë mungon ndërkohë që qytetarët presin ndihmë mjekësore.