Ndalimi 48-orësh për pronarin e lopës që hyri në oborrin e Gjykatës

Një ngjarje e pazakontë në Degën e Gjykatës Themelore në Graçanicë ka sjellë ndalimin për dyzet e tetë orë të Hashim Miftarit. Vendimi u mor nga prokurori Blerim Igrishta i Prokurorisë Themelore në Prishtinë, pasi lopa e pesëdhjetë e nëntë vjeçarit hyri në oborrin e institucionit dhe dëmtoi gjelbërimin. Ndaj tij është iniciuar rast për veprën penale të asgjësimit ose dëmtimit të pasurisë, sipas nenit treqind e njëzet e një të Kodit Penal.

Gjyqtari Sinisha Borisavljeviq deklaroi se sigurimi kishte larguar kafshët disa herë gjatë asaj dite dhe se dëmi ishte minimal, duke shtuar se qëllimi i thirrjes së Policisë ishte të tërhiqej vëmendja e pronarit. Nga ana e tij, Miftari tha në Polici se lopën e kishte humbur dhe se kjo ishte hera e parë që ndodhte një gjë e tillë.