Musliu ngre shqetësime për kushtet ekonomike dhe veshmbathjet në polici

Deputetja e Partisë Demokratike të Kosovës, Ganimete Musliu, ka shprehur shqetësimet e saj lidhur me gjendjen ekonomike dhe kushtet e punës të pjesëtarëve të Policisë së Kosovës. Gjatë një paraqitjeje, ajo ka deklaruar se efikasiteti maksimal nuk mund të kërkohet nga zyrtarët policorë nëse ata detyrohen të kërkojnë të ardhura shtesë pas orarit zyrtar të punës.

Musliu ka përmendur gjithashtu sfidat me veshmbathjen dhe vështirësitë e tjera financiare me të cilat ballafaqohen efektivët e rendit, duke shtuar se ka raste kur zyrtarët punojnë si taksistë pasdite ose si kamarierë në dasma gjatë natës.