Drilon Jahdahuti akuzon Jona Krasniqin për bullizim në të kaluarën

Këngëtari Drilon Jahdahuti ka bërë një reagim publik në rrjetin social Instagram lidhur me situatën e banores së Big Brother VIP Kosova 5, Jona Krasniqi. Ai ka pretenduar se para gjashtë ose shtatë vitesh është përballur me bullizim nga ajo dhe disa vajza të tjera, të cilat sipas tij e kishin kritikuar dhe ofenduar për këngën e tij «Reja e nanës tem».

Jahdahuti ka shtuar se i njëjti grup kishte ndikuar përmes raportimeve në mbylljen e llogarisë së tij në Instagram në atë periudhë. «Le që u kallxu bullizuese sot live në TV, po qikjo qike me qat grup s’ka lon gjo pa than për kangën tem», ka shkruar ai, duke përmendur se kënga në fjalë ka arritur afro nëntë milionë klikime dhe duke shprehur shpresën se ajo do të reflektojë.

Krahas këtij reagimi, ai ka sjellë edhe një risi në fushën e muzikës, duke publikuar bashkëpunimin e ri me këngëtaren Beslira, të titulluar «Dy xheloza».