Si synon Muslija të arrijë Zvicrën A me modelin Neuer?

ZVICËR — Gazeta zvicerane «Blick» i ka kushtuar një shkrim të gjatë portierit 20-vjeçar Gentrit Muslija, të enjten, duke e vlerësuar si një prej portierëve më të talentuar në futbollin helvetik.

Muslija është anëtar i St. Gallenit me kontratë deri në verën e vitit 2028, por aktualisht është i huazuar te Wili në kategorinë e dytë që nga shkurti i vitit të kaluar. Huazimi i përfundon muajin e ardhshëm, ndërsa nuk përjashtohet mundësia të qëndrojë më tej aty. Në këtë edicion ai numëron 35 paraqitje në Challenge League dhe dy në Kupë.

Në dhjetor, Qendra Ndërkombëtare për Studiume Sportive (CIES) e renditi Muslijën ndër dhjetë portierët më të mirë U20 jashtë pesë top-ligave evropiane. «E kam parë këtë dhe jam ndier shumë i nderuar. Është mirë kur puna që bën njihet dhe shpaguhet», tha ai për «Blick».

Muslija shquhet për lojën me këmbë — është në top-20 të kategorisë së dytë për pasime të kompletuara. Si fëmijë nuk ishte portier, por vendosi të qëndrojë mes shtyllave pasi pa Neuerin në finalen e Ligës së Kampionëve mes Bayernit dhe Dortmundit. «Bayerni do të ishte realizim i ëndrrës. Bundesliga vërtetë më përshtatet, apo La Liga», thotë ai. Sipas «Blick», Muslija shpreson ftesën nga Zvicra A: «Besoj se ky është synim i secilit lojtar».

Aktualisht asnjë shqiptar nuk ka qenë portier i Zvicrës A, ndërsa portieri i parë i Kosovës, Arijanet Muriq, dhe i dytë, Amir Shaipi, janë gjithashtu të rritur ose aktivë në Zvicër.

Burim: Koha.net
— Redaksia ZHURMA