Sa doza serumi siguroi Ministria e Shëndetësisë kundër kafshimit të gjarpërinjve?
Pse Ministria e Shëndetësisë siguroi 164 doza serumi për sezonin e verës?
PRISHTINË — Ministria e Shëndetësisë ka siguruar gjithsej 164 doza të serumit kundër kafshimit nga gjarpri për të mbuluar nevojat e këtij viti. Këto doza janë shpërndarë në institucionet shëndetësore, duke përfshirë spitalet e përgjithshme, qendrat emergjente, Policinë e Kosovës dhe Qendrat Kryesore të Mjekësisë Familjare (QKMF).
Së fundmi, klinika emergjente në QKUK trajtoi gjashtë qytetarë që u kafshuan nga zvarranikët. Sipas burimeve të Klan Kosovës, pacientët u prezantuan nga Prishtina (1), Drenica (3) dhe Malisheva (2), ku për të gjitha rastet pati serum dhe terapi adekuate për një trajtim me sukses.
Kujdesi parësor në kryeqytet aktualisht disponon 5 doza të serumit, të cilat janë distribuuar në disa QMF të Prishtinës që mbulojnë fshatrat dhe lagjet. Nga ky institucion është konfirmuar se gjatë dy viteve të fundit nuk është regjistruar asnjë rast kafshimi nga gjarpri në këto zona.
Ministria e Shëndetësisë thekson se përveç dozave të shpërndara, shteti ka siguruar edhe sasi rezervë të serumit për nevoja emergjente. Kjo rezervë do të përdoret sipas kërkesave që mund të lindin gjatë periudhës së verës për të shmangur mungesat në shërbim.
Burim: Klan Kosova
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.