MPB vendos kod veshjeje për qytetarët në çështjet civile
Ministria e Punëve të Brendshme kufizon veshjen në zyrat e saj, duke ndaluar pantallonat e shkurtra, tutat sportive dhe shapkat.
PRISHTINË — Ministria e Punëve të Brendshme ka vendosur një kod të ri veshjeje për punonjësit dhe qytetarët që hyjnë në ambientet e Departamentit për Çështje Civile. Njoftimi i MPB-së thotë se rregulli synon "ruajtjen e standardit profesional, dinjitetit të institucionit dhe respektit të ndërsjellë".
Sipas kodit, si "të papranueshme" konsiderohen: funde shumë të shkurtra e të ngushta, pantallona të shkurtra plazhi, veshje që ekspozon barkun, gjoksin ose të brendshmet, tuta sportive, veshje shtëpie apo për klube nate, si dhe shapka, pantofla, klompa e apostolka. Gjithashtu ndalohen veshjet me tekste, figura ose emblema fyese.
MPB i lut qytetarët që para se të vijnë për tërheqjen e dokumenteve personale, pasaportave apo shërbimeve administrative të sigurojnë që paraqitja të jetë "në përputhje me normat e pranuara botërisht për institucionet publike". Të gjithë punonjësit e departamentit janë të obliguar të respektojnë kodin e veshjes së MPB-së.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.