Mozzik kritikon ofendimet ndaj familjes pas pjesëmarrjes në Marshin për Liri

Reperi Mozzik ka reaguar ashpër ndaj ofendimeve të drejtuara ndaj tij dhe familjes së tij, pas pjesëmarrjes në Marshin për Liri. Përmes një postimi, ai ka treguar se pasi u kthye në shtëpi, lexoi komentet në disa artikuj dhe u përball me fyerje të rënda të drejtuara ndaj nënës, gruas, vajzës, familjes dhe fisit të tij.

Sipas reperit, shumica e profileve që kanë komentuar kundër tij janë të rreme. Ai i ka lidhur këto profile me persona që, sipas tij, nuk morën pjesë në këtë aktivitet, duke kritikuar ashpër ata që e kundërshtuan pjesëmarrjen e tij.

Ky reagim vjen pas zhvillimit të Marshit për Liri në Prishtinë, një ngjarje e organizuar në mbështetje të ish-krerëve të UÇK-së, për të cilën është raportuar edhe më parë.