Moti i nxehtë përfshin vendin — era në bregdet arrin 14 m/s
Reshjet e shiut parashikohen vetëm në zonat malore në formë shtrëngatash afatshkurtra, ndërsa era në bregdet arrin shpejtësinë deri në 14 metra për sekondë.
TIRANË — Shqipëria do të mbetet nën ndikimin e masave ajrore të nxehta dhe të qëndrueshme këtë të shtunë. Moti parashikohet kryesisht i kthjellët, por me vranësira të pakta kalimtare përgjatë relieveve malore gjatë orëve të mesditës dhe të pasdites.
Në zonat malore parashikohen reshje shiu me intensitet të ulët, ndërsa në relievet e larta në veri dhe lindje reshjet do të jenë në formë shtrëngatash afatshkurtra.
Era do të fryjë nga perëndimi me shpejtësi mesatare deri në 6 m/s, por përgjatë bregdetit mund të arrijë deri në 14 m/s. Valëzimi në det do të jetë i forcës 1 deri në 3 ballë.
Burim: Ora News
— Redaksia ZHURMA