Mot veror nesër në Kosovë, temperatura deri në 31°C

PRISHTINË — Nesër moti mbi Kosovë pritet të jetë kryesisht me diell dhe vranësira të lehta në disa rajone të vendit. Gjatë ditës, zhvillime të izoluara të vranësirave mund të sjellin rrebeshe të shkurtra shiu dhe ndonjë shkarkesë rrufesh, por pa reshje të qëndrueshme.

Era do të fryjë nga drejtimi verior me intensitet të lehtë deri mesatar. Temperaturat minimale pritet të lëvizin rreth 15–17°C, ndërsa maksimalet do të arrijnë 29–31°C, duke sjellë mot të ngrohtë veror në pjesën më të madhe të vendit.

Burim: Sinjali
— Redaksia ZHURMA