Morina denoncon në IPK pjesëtarët e mbrojtjes së afërt të Kurtit

Aktivisti Blert Morina ka dorëzuar ankesë në Inspektoratin Policor të Kosovës lidhur me një incident pranë monumentit Newborn në Prishtinë. Ankesa e dorëzuar nga ai ka të bëjë me pjesëtarë të njësisë së mbrojtjes së afërt të kryeministrit Albin Kurti.

Gjatë këtij incidenti, Morina ka deklaruar se është penguar nga një zyrtar policor që sipas pretendimeve të tij nuk mbante numër identifikues. Ai ka treguar gjithashtu se në momentin e ngjarjes po merrte pjesë në një aksion simbolik protestues të organizuar në shenjë reagimi ndaj rastit të Arlinda Zekajt.