Tabaku: Në shesh nuk protestohet për opozitë, por kundër Ramës

Deputetja e Partisë Demokratike, Jorida Tabaku, ka shprehur keqardhjen e saj për përplasjet e shënuara mes demokratëve dhe studentëve gjatë protestës kundër kryeministrit Edi Rama. Gjatë një intervistë televizive, ajo u shpreh se incidente të tilla shihen me trishtim, duke shtuar se në këtë mënyrë dëshiron qeveria.

Tabaku theksoi se protestat e vazhdueshme kanë zgjatur prej katërmbëdhjetë vitesh, ndërsa që nga muaji maj ato kanë marrë një dimension tjetër përmes përfshirjes së shoqërisë dhe studentëve. Ajo u shpreh se nuk është normale një qeverisje për katër mandate dhe se qytetarët ia vendosin gabimisht ngarkesën opozitës.

Sipas deputetes demokrase, në shesh nuk po luftohet për një «copë opozitë», pasi nuk bëhet fjalë për garë se cila është partia e dytë. Ajo kërkoi bashkim të të gjithëve kundër asaj që e cilësoi si e keqja e vendit, duke përfshirë Partinë Socialiste dhe kryeministrin Edi Rama.