MINT cakton çmimin maksimal të naftës në 1.73 euro litri
Çmimi maksimal i benzinës shkon në 1.52 euro dhe i gazit në 0.60 euro; vendimi hyn në fuqi që sot në orën 10:00.
Redaksia ZHURMA
+ Ruaj
PRISHTINË — Ministria e Industrisë, Ndërmarrësisë, Tregtisë dhe Inovacionit (MINT) ka caktuar çmimet maksimale të lejuara për derivatet e naftës për 24 orët e ardhshme: nafta (dizeli) me çmim maksimal 1.73 euro për litër, benzina me 1.52 euro dhe gazi me 0.60 euro për litër.
Vendimi hyn në fuqi nga ora 10:00 e sotme dhe mbetet i vlefshëm deri në publikimin e vendimit të radhës nga MINT. Ministria u ka bërë thirrje qytetarëve që çdo rast të mosrespektimit të këtyre çmimeve maksimale ta raportojnë pranë institucioneve kompetente.
Burim: Lajmi.net
— Redaksia ZHURMA