Ministrja Bogujevci pret fitueset e festivalit “Akordet e Kosovës” 2026
Ministrja e Kulturës ka pritur në takim fitueset e festivalit dhe drejtueset e institucioneve.
Redaksia ZHURMA · · 1 min lexim
PRISHTINË — Ministrja e Kulturës, Saranda Bogujevci, ka zhvilluar një takim me Troja Bicurrin dhe Dalina Haxhiun, të cilat janë shpallur fituese të Festivalit të Këngës “Akordet e Kosovës” 2026. Gjatë këtij takimi, palët kanë biseduar për përvojën e fitueseve në festival, përgatitjet e tyre para ngjitjes në skenë, si dhe emocionet që kanë shoqëruar paraqitjen e tyre muzikore.
Në këtë ngjarje kanë marrë pjesë edhe drejtoresha e përgjithshme e RTK-së, Zana Spahiu, si dhe drejtoresha e festivalit, Arta Avdiu. Të pranishmet kanë diskutuar rreth organizimit të edicionit të sivjetmë të këtij manifestimi muzikor dhe për rëndësinë që ka vazhdimësia e festivalit në vitet e ardhshme.
«Me kënaqësi i prita sot në takim Troja Bicurrin dhe Dalina Haxhiun, fitueset e Festivalit të Këngës ‘Akordet e Kosovës’ 2026», ka shkruar ministrja Bogujevci, e cila u ka uruar atyre suksese të mëtejshme në rrugëtimin e tyre artistik.
