Jona përballet me akuzat për bullizim dhe kërkon falje

Rrjetet sociale janë vërshuar nga diskutime dhe reagime lidhur me komente fyese dhe pretendime për bullizim ndaj vajzave dhe personave të tjerë, të cilat i atribuohen Jonës, banores së Big Brother VIP Kosova 5. Çështja është trajtuar gjatë mbrëmjes Prime, ku ajo është ballafaquar me akuzat që kanë qarkulluar jashtë shtëpisë përmes një klipi me reagime nga persona që pretendonin se ishin bullizuar.

Pas shfaqjes së pamjeve, banorja ka pranuar përdorimin e gjuhës ofenduese, por ka shtuar se qëllimet e saj nuk kanë qenë të këqija. «Është e vërtetë që jam kanë ofenduese. I kam pasë qëllimet e mira, por mënyra qysh i kam thënë nuk janë të mira. Kërkoj falje zyrtarisht për gjithçka», u shpreh ajo, duke iu përgjigjur rasteve specifike dhe duke treguar se edhe vetë kishte përjetuar bullizëm nga njëra prej vajzave.