Mickoski: Vazhdojmë me reformat për zhvillim ekonomik dhe sundim të ligjit

Kryeministri i Maqedonisë së Veriut, Hristijan Mickoski, ka bërë të ditur se është mbajtur një takim kushtuar Agjendës së Reformave, ku në fokus kanë qenë aktivitetet aktuale, prioritetet dhe dinamika e zbatimit të tyre. Përmes një njoftimi, kreu i ekzekutivit theksoi se procesi kërkon koordinim institucional, objektiva të qarta dhe hapa konkretë për përmirësimin e funksionimit të institucioneve, duke vlerësuar se angazhimi do të vazhdojë për zhvillimin ekonomik, sundimin e ligjit dhe rritjen e efikasitetit institucional.

Zëvendëskryeministri i parë dhe ministri për Çështje Evropiane, Bekim Sali, gjithashtu ka bërë të ditur se gjatë takimit është diskutuar për ecurinë e Agjendës së Reformave, prioritetet dhe dinamikën e punës. Gjatë këtij takimi, autoritetet theksuan se reformat janë thelbësore për përmirësimin e cilësisë së jetës së qytetarëve. «Vazhdojmë me punë të përkushtuar në reformat që janë të një rëndësie thelbësore për zhvillimin ekonomik, sundimin e ligjit, efikasitetin e institucioneve dhe përmirësimin e cilësisë së jetës së qytetarëve», tha Mickoski.