Mickoski pret fitore të VMRO-DPMNE-së në zgjedhjet e parakohshme në Bërvenicë
Kryeministri shprehet pas vënies në funksion të impiantit Tesa Energy; kandidati i VMRO-DPMNE-së është Stojanço Radiçevski, ndërkohë VLEN ka propozuar Jakup Huseinin.
Redaksia ZHURMA · · 1 min lexim
Kryeministri dhe lideri i VMRO-DPMNE-së, Hristijan Mickoski, ka shprehur optimizëm se kandidati i partisë së tij do të fitojë në zgjedhjet e parakohshme për kryetar të Komunës së Bërvenicës. "Sigurisht që VMRO-DPMNE pret që kandidati i saj të fitojë në zgjedhje", tha Mickoski duke u përgjigjur gazetarëve pas ceremonisë së vënies në përdorim të impiantit të ri kogjenerues të kompanisë "Tesa Energy".
VMRO-DPMNE ka njoftuar më parë se kandidati i saj për këtë post është Stojanço Radiçevski. Partneri i koalicionit VLEN ka shpallur kandidatin Jakup Huseini. Zgjedhjet e parakohshme janë shpallur pas vdekjes së papritur të kryetarit të komunës, Jovica Ilievski.
