Mickoski dënon sulmin në Ohër: Do të bëjmë gjithçka për drejtësi
Kryeministri i Maqedonisë së Veriut reagon pas dhunës ndaj një vajze të re në Ohër.
Redaksia ZHURMA · · 1 min lexim
OHËR — Kryeministri i Maqedonisë së Veriut, Hristijan Mickoski, ka reaguar përmes një postimi në Facebook pas sulmit fizik ndaj një vajze të re në Ohër, duke u shprehur i tronditur nga ky incident dhe duke e dënuar ashpër ngjarjen që tronditi qytetarët. Duke folur nga Brukseli ku po zhvillonte takime, kreu i ekzekutivit deklaroi se planifikonte të fliste për një temë tjetër, por lajmi për rrahjen brutale e shtyu të reagonte publikisht. «E shfrytëzoj këtë rast për të shprehur keqardhjen time dhe për ta dënuar ashpër këtë akt barbar që ka ndodhur», u shpreh ai. Sipas tij, institucionet dhe kabineti qeveritar do të angazhohen plotësisht, ndërsa u bë thirrje që autori i këtij sulmi të tmerrshëm të përballet me drejtësinë. Gjatë reagimit të tij, kreu i Qeverisë ka shprehur gjithashtu mbështetjen e plotë për familjen e viktimës, duke theksuar se qëndron pranë tyre edhe si prind, baba, vëlla dhe bashkëshort.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar