Ish-polici kufitar i Kosovës vdes në një aksident trafiku në Malin e Zi
Një shtetas i Kosovës humb jetën dhe dy të tjerë lëndohen në magjistralen Rožaje–Berane.
Redaksia ZHURMA · · Përditësuar · 1 min lexim
Një shtetas i Kosovës ka humbur jetën si pasojë e një aksidenti trafiku në magjistralen Rožaje–Berane, në Mal të Zi, ku janë përfshirë dy automjete. Personi që ka ndërruar jetë në këtë ngjarje tragjike është identifikuar si ish-polici kufitar, Elvis Mulliqi, 47-vjeçar, ndërsa dy persona të tjerë kanë mbetur të lënduar.
Ngjarja është raportuar gjithashtu nga mediumi malazez “Vijesti”, i cili i është referuar Drejtorisë së Policisë së Malit të Zi. Sipas autoriteteve, përplasja ka ndodhur rreth orës 15:45, kurse qarkullimi është rikthyer në normalitet pas përfundimit të hetimeve në vendin e ngjarjes.