Mexhiti: Përfundohet rindërtimi i rrugës "Faik Konica" në Dizhon
Rindërtimi i plotë i rrjetit të ujësjellësit dhe kanalizimit fekal, pastaj asfaltimi, përfundoi sipas Komunës së Çairit.
SHKUP — Kryetari i Komunës së Çairit, Izet Mexhiti, njoftoi përfundimin e punimeve në rrugën "Faik Konica" në lagjen Dizhon. Sipas njoftimit, u rindërtua plotësisht rrjeti i ujësjellësit dhe kanalizimi fekal, pastaj u krye asfaltimi i rrugës.
Mexhiti, në një postim publik, theksoi se premtimet po mbahen dhe projektet po realizohen: "Është përfunduar rindërtimi i tërësishëm i rrjetit të ujësjellësit dhe kanalizimit fekal. Si dhe është bërë asfaltimi i rrugës. Çdo premtim po mbahet. Çdo projekt po realizohet!".
Nga Komuna e Çairit transmetojnë se investime të ngjashme do të vazhdojnë edhe në lagje të tjera, me synim përmirësimin e infrastrukturës dhe kushteve të jetesës për qytetarët.
Burim: TV21
— Redaksia ZHURMA
