Çfarë akuzon Meta Ramën nga qelia për Reformën në Drejtësi?

TIRANË — Ish-presidenti \1 ka dhënë një intervistë ekskluzive nga qelia e paraburgimit për emisionin "Off the Record" në A2 CNN, ku ka folur për jetën në burg, përplasjet politike me Edi Ramën, Reformën në Drejtësi, \1-un dhe akuzat ndaj tij.

Meta u shpreh se është i pafajshëm dhe hodhi akuza të forta ndaj qeverisë, ish-kreut të PD-së Lulzim Basha dhe institucioneve të drejtësisë. Ai akuzoi Bashën se me "lojërat e tij" dhe ndihmën e ish-zyrtarit amerikan Charles McGonigal, ia dha Reformën në Drejtësi Edi Ramës.

"Nuk është se nuk e kam pritur mënyrën e arrestimit. Unë kam qenë i ndërgjegjshëm për këtë grusht shteti, që të bëhen ligje mbi Kushtetutën. S'është faji i 140 votave, problemi është te ligjet antikushtetuese. Ato 140 vota i bëri vetëm Ilir Meta dhe këtë e ka pranuar edhe ambasadori Lu. Ishte një lojë e madhe që të mos miratohej reforma me konsensus, por të shfrytëzohej si një moment për të përçarë PD-në", tha Meta.

Për raportin me Ramën, Meta deklaroi: "Rama ka qenë shumë i urtë kur ka qenë ministër, kur ka qenë vartës, madje edhe kur ka qenë kryeministër në koalicion. Ai vinte çdo ditë në orën 10:00 te Parlamenti. Derisa korruptoi Lulin dhe i mori të gjitha pushtetet, duke nxjerrë fytyrën e vërtetë."

Meta i bëri thirrje të rinjve të opozitës të jenë "dy herë më aktivë se Sali Berisha", duke përmendur Klevis Balliu, Tedi Blushi dhe Adriana Kalaja si shembuj të opozitarizmit. Për letrën drejtuar kreut të SPAK-ut Klodian Braho, sqaroi se nuk e ka akuzuar për fshehje provash, por se letra ishte "publike dhe shumë korrekte".

I pyetur se çfarë do t'i thoshte Ramës përballë, Meta tha: "Unë dal përballë cilitdo dhe as nuk e ndërroj rrugën, as nuk i ul sytë. Përpara shqiptarëve do të jem gjithmonë ballëhapur sepse kam mbrojtur interesin kombëtar."

Burim: Telegrafi
— Redaksia ZHURMA