Mërgimtarët presin deri në 1 orë për të dalë në Muçibabë
Sipas Qendrës Kombëtare për Menaxhim Kufitar, kolonat te Dheu i Bardhë arrijnë në 150 metra, ndërsa hyrjet në Kosovë zgjasin vetëm deri në 10 minuta.
PRISHTINË — Hyrje-daljet e mërgimtarëve në pikat e kalimit kufitar të Kosovës janë shtuar ndjeshëm gjatë ditëve të fundit, duke shkaktuar pritje më të gjata për të dalë nga vendi. Sipas të dhënave zyrtare, mërgimtarët po presin deri në 60 minuta në pikëkalimin e Muçibabës për të kaluar kufirin.
Në pikën tjetër kufitare te Dheu i Bardhë, pritjet për dalje shkojnë deri në 40 minuta, ndërsa kolonat e automjeteve kanë arritur një gjatësi prej 150 metrash. Qendra Kombëtare për Menaxhim Kufitar njofton se, ndryshe nga daljet, pritjet e bashkatdhetarëve për të hyrë në Kosovë nuk zgjasin më shumë se 10 minuta.
Burim: Gazeta Metro
— Redaksia ZHURMA