Gashi: S’kërkova mëshirë, mora rrugën e gyrbetit për shkak të përgjegjësive

Ish-këshilltari i Glauk Konjufcës, Drilon Gashi, ka publikuar një sqarim pas shfaqjes së tij në një kantier ndërtimi në Gjermani. Ai ka treguar se ka kaluar rreth njëzet e pesë vjet duke studiuar teologji, filozofi dhe shkenca humane, si dhe ka shërbyer si imam e është marrë me shkrime, libra dhe edukim.

Gashi ka sqaruar se pas mbylljes së dyert e profesionit të parë ka ndjekur trajnime në elektricitet, ka kryer praktikë profesionale dhe ka punuar me instalime elektrike, ndërtimtari e keramikë, teksa vijon specializimin në psikoterapi. Siç raportoi Zhurma më 1 nëntor 2026, Hoxha Drilon Gashi përfundon në baushtellë: Konkurova në 60 vende të punës.

Gashi ka theksuar se jeta ekonomike e një familjeje nuk mund të pezullohet dhe se ka katër fëmijë, bashkëshorten në proces rikualifikimi profesional, si dhe kredi bankare e përgjegjësi që nuk presin.