Medalje bronzi për Samuel Rrasën në Europianin e peshëngritjes
Peshëngritësi Samuel Rrasa i siguron Shqipërisë medaljen e parë në Kampionatin Europian për të rinj U-23 në Durrës.
Redaksia ZHURMA · · 1 min lexim
Kampionati Europian i peshëngritjes për juniorë dhe U-23 që po mbahet në Durrës ka sjellë suksesin e parë për përfaqësuesen kuqezi. Sportisti Samuel Rrasa është shpallur protagonist duke fituar medaljen e bronzit në stilin e shtytjes për kategorinë deri në 65 kg.
Gjatë garës, Rrasa ngriti 125 kg në stilin e shkëputjes, pozicionim që e la i katërti, ndërsa në shtytje realizoi me sukses provën prej 153 kg, duke fituar vendin e tretë dhe medaljen e bronzit. Me një total prej 278 kg në dygarësh, ai u rendit në vendin e katërt.
