Shkëndija U16 eliminon Bregallnicën dhe kualifikohet në Kupë

Shkëndija U16 ka siguruar kualifikimin në fazën e radhës të Kupës së Maqedonisë, pasi ka mposhtur Bregallnicën e Shtipit me rezultatin 3:1. Heroi i ndeshjes ishte Omer Xheladini, i cili realizoi dy gola, ndërsa një gol e shënoi Leard Salihi.

Kjo fitore vjen pas një orari të ngjeshur me tri ndeshje të zhvilluara brenda gjashtë ditëve. Vetëm tri ditë më parë, kuqezinjtë kishin triumfuar edhe në kampionat në transfertë me rezultatin 2:4 kundër të njëjtit kundërshtar.

Trajneri Ismail Ismaili vlerësoi paraqitjen e futbollistëve dhe theksoi se karakteri i ekipit bëri diferencën. Ai u shpreh se nuk është e lehtë të zhvillohet një numër kaq i madh ndeshjesh në pak ditë duke ruajtur ritmin e lartë, por lojtarët treguan disiplinë dhe dëshirë të madhe për fitore.

Me këtë sukses, skuadra vazhdon të mbetet konkurruese si në kampionat, ashtu edhe në Kupë.