Morina regjistron mbi 1.36 milion kalime gjatë korrikut
Fluksi i pushuesve nga Kosova solli mbi 21 mijë udhëtarë vetëm në 12 orët e fundit, ku po zbatohet marrëveshja për lëvizjen e lirë.
MORINË — Pika Kufitare e Morinit ka regjistruar mbi 1 milion e 362 mijë lëvizje të qytetarëve gjatë muajit korrik, duke dëshmuar fluksin e madh të pushuesve gjatë sezonit veror. Vetëm gjatë 12 orëve të fundit, përmes kësaj pike kufitare janë përpunuar mbi 21 mijë qytetarë dhe më shumë se 6 mijë automjete.
Sipas autoriteteve kufitare, nga ky fluks i fundit dymbëdhjetëorësh, mbi 12 mijë persona kanë hyrë në territorin shqiptar, ndërsa pjesa tjetër kanë dalë nga vendi. Për të shmangur kolonat dhe vonesat e mundshme, në Morinë aktualisht janë në funksion 12 sportele që lehtësojnë qarkullimin.
Në këtë pikë kufitare po vijon të zbatohet marrëveshja e lëvizjes së lirë mes Shqipërisë dhe Kosovës, e cila ka lehtësuar ndjeshëm kalimin. Vetë pushuesit shprehen se Shqipëria mbetet destinacioni i tyre i preferuar veror, duke vlerësuar plazhet, shërbimet dhe afërsinë e dy vendeve.
Burim: Epoka e Re
— Redaksia ZHURMA