Maran sqaron listën e Kombëtares dhe flet për Balliun e Strakoshën

Trajneri i Kombëtarja shqiptare, Rolando Maran, ka shpjeguar kriteret e përzgjedhjes së lojtarëve për dy ndeshjet e fundit të Ligës së Kombeve ndaj Finlandës dhe Bjellorusisë, duke theksuar se në këtë listë ka konfirmuar bllokun me të cilin ka punuar në ndeshjet e mëparshme. Sipas teknikut italian, përzgjedhja është bazuar te forma sportive dhe minutazhi që futbollistët kanë pasur në klubet e tyre. Ai u ndal te mungesa e mbrojtësit Ivan Balliu, duke bërë të ditur se tërheqja e tij erdhi si vendim personal i vetë lojtarit pas një dëmtimi që e ka shqetësuar prej kohësh, ndërsa për portierin Thomas Strakosha sqaroi se nuk ndodhet ende në gjendje 100 për qind fizike.

Duke folur për statistikat në Ligën C, Maran theksoi se skuadra udhëheq në aspektin e pritshmërive për të shënuar dhe ka pësuar më pak gola, ndërsa shtoi se presioni është pozitiv dhe i nxit drejt arritjes së objektivit për të qenë në kreun e grupit. Sa i përket lojtarëve me prejardhje nga Kosova dhe mundësisë së afrimit të emrave të tjerë, trajneri u shpreh se kush zgjedh të përfaqësojë fanellën kuqezi duhet të jetë krenar për të. Ndërkohë, ai konfirmoi se sulmuesi Indrit Tuci dhe Klidman Lilo janë në vëzhgimin e stafit, ndërsa njoftoi gjithashtu se stërvitja e së hënës do të jetë e hapur për tifozët.