Anis Mehmeti fshin fotografitë me Shqipërinë pas mospërfshirjes në listë

Përzgjedhësi Maran ka vendosur të mos e përfshijë sulmuesin Anis Mehmeti në listën e fundit të Kombëtares shqiptare për ndeshjet e nëntorit, një vendim i pritshëm duke marrë parasysh se lojtari nuk ka regjistruar ende asnjë minutë këtë sezon me Ipswich Town ku mbetet jashtë planeve të skuadrës. Përjashtimi e ka zhgënjyer futbollistin, i cili ka reaguar në rrjetet sociale duke fshirë të gjitha fotografitë e publikuara me fanellën kuqezi në Instagram, si shenjë pakënaqësie ndaj vendimit, ndonëse vetë ai nuk ka bërë ndonjë deklaratë publike për këtë çështje.

Siç raportoi Zhurma më 28 tetor 2026, futbollisti Anis Mehmeti po përballet me momente delikate në karrierë, duke qëndruar jashtë skuadrës për tetë javë në Premier Ligë.