Kur Maqedonia e Veriut synon të ketë 'Roaming si në shtëpi' me BE-në?
Ministri Andonovski njoftoi se negociatat me Komisionin Evropian pritet të përfundojnë këtë vit, për të ulur kostot e komunikimit për qytetarët.
Redaksia ZHURMA · · Përditësuar · 1 min lexim
SHKUP — Ministri i Transformimit Digjital, Stefan Andonovski, deklaroi se Maqedonia e Veriut synon të nisë sistem "Roaming si në shtëpi" nga fillimi i vitit 2027. Sipas tij, të gjitha përgatitjet vendore kanë përfunduar dhe tani pritet nënshkrimi i marrëveshjes me Komisionin Evropian.
Andonovski sqaroi se me këtë iniciativë, shpenzimet për komunikimet roaming në vendet e BE-së do të jenë të njëjta me ato brenda vendit. E njëjta rregull do të vlejë edhe për qytetarët e huaj që përdorin shërbimet roaming në Maqedoninë e Veriut.
"Pres që gjatë këtij viti të përfundojnë negociatat dhe të përcaktojmë tekstin e marrëveshjes", tha ai, duke shtuar se synon që vendi të jetë i pari nga Ballkani Perëndimor që e nis këtë proces. Ai theksoi se çdo shtet negocion veçmas me BE-në, ndaj shpejtësia varet nga përmbushja e kushteve.
Burim: Telegrafi
— Redaksia ZHURMA
