Si përfundoi presidenca e Maqedonisë së Veriut në EUSAIR?
Në Shkup u mbyll Forumi i 11-të i Strategjisë së BE-së për Rajonin Adriatiko-Jonian me Deklaratën e Shkupit.
SHKUP — Maqedonia e Veriut përmbylli të hënën presidencën e Iniciativës Adriatiko-Joniane dhe Strategjisë së BE-së për Rajonin Adriatiko-Jonian (EUSAIR), njoftoi Ministria për Çështje Evropiane.
Gjatë panelit ministror përmbyllës, përfaqësuesit e vendeve pjesëmarrëse riafirmuan rëndësinë e bashkëpunimit rajonal, lidhshmërisë dhe integrimit evropian si faktorë kyç për stabilitetin e rajonit. Në ceremoninë zyrtare, presidenca iu dorëzua Italisë.
Përmes Deklaratës së Shkupit, u riafirmua përkushtimi për forcimin e dimensionit evropian të rajonit dhe thellimin e bashkëpunimit ndërmjet vendeve pjesëmarrëse. Në konferencën për media u theksua se EUSAIR mbetet platformë e rëndësishme për dialog dhe afrimin gradual me Bashkimin Evropian.
Burim: Telegrafi
— Redaksia ZHURMA