Çfarë ndryshon në korsitë MTAG nga 15 qershori?
NP "Rrugët Shtetërore" ndryshon sistemin e pagesës në stacionet e taksave nga mesi i qershorit.
Redaksia ZHURMA · · Përditësuar · 1 min lexim
SHKUP — Ndërmarrja Publike për Rrugë Shtetërore njoftoi se nga 15 qershori 2026 korsitë e shënuara për MTAG në stacionet e pagesës do të jenë ekskluzivisht për përdoruesit me etiketa elektronike. Pagesa me MCard në këto korsi hiqet; përdoruesit e MCard-it do të paguajnë në korsitë e tjera të disponueshme.
NP i bëri thirrje përdoruesve të respektojnë sinjalistikën vertikale dhe horizontale, si dhe tabelat elektronike informative ku korsitë janë kategorizuar sipas llojit të pagesës: elektronike (MTAG/MCARD), apo me para në dorë (CASH). Sinjalistika tregon korsi aktive me shigjeta të gjelbër dhe korsi të mbyllura me shigjeta të kuqe (X).
Mosrespektimi i shenjimit të korsive, paralajmëroi ndërmarrja, mund të shkaktojë bllokime trafiku dhe të ndikojë në sigurinë rrugore.
Burim: Telegrafi
— Redaksia ZHURMA
