Manja: Ndajini sheshet se po na bëni gazin e botës me protestën

Deputeti i Partisë Socialiste dhe kryetari i Komisionit të Ligjeve, Ulsi Manja, ka reaguar përmes një postimi në rrjetet sociale pas përplasjeve të regjistruara mes protestuesve dhe mbështetësve të Partisë Demokratike. Gjatë këtij reagimi, ai ka ironizuar konfliktin e ndodhur mes palëve dhe u ka rikujtuar një sugjerim të bërë që prej datës 18 korrik.

Manja ka propozuar që protestuesit dhe demokratët të ndajnë hapësirat e tubimeve, ku njëra palë të qëndrojë në sheshin «Skënderbej» ndërsa tjetra në bulevard. Ai ka shtuar gjithashtu se sheshi «Nënë Tereza» duhet të lihet si zonë neutrale. Sipas deputetit, përplasjet mes tyre po e kthejnë protestën në «gazin e botës», ndaj i ka nxitur palët të zbatojnë sugjerimin e tij për ndarjen e shesheve.