Pse paralajmëron Maloku situatën politike në Kosovë?

— Ish-anëtari i Komisionit Qendror të Zgjedhjeve, Fadil Maloku, ka shprehur në "Edicionin Special" të Klan Kosovës se zhvillimet e fundit politike mund të jenë pjesë e një strategjie për të testuar reagimin e opinionit publik. Ai thotë se mundësia e ndryshimeve kushtetuese mund të lidhen me këtë.

Sipas Malokut, kryeministri në detyrë, Albin Kurti, synon të hapë diskutimin për një ristrukturim institucional. "Në gjykimin tim, kjo është strategji për të matur pulse. Objektivi i tij është të krijojë një arkitekturë të re ta renovojë këtë Kushtetutë", tha Maloku.

Ai paralajmëroi se nëse vazhdon një situatë e tillë politike, mund të ketë protesta masive. "Në rast se vazhdon kështu, unë jam shumë i bindur dhe do të jemi dëshmitarë që do të ndodhë një protestë identike sikur në Shqipëri", tha ai.

Maloku theksoi se zhvillimet e reja politike në rajon dhe më gjerë kërkojnë një brez të ri liderësh me ide, vizion dhe programe që adresojnë nevojat e të rinjve. "Mos ta harrojmë se, si nga gjeografia ashtu edhe nga demografia, Kosova, por edhe Shqipëria, kanë një moshë mesatare rreth 27–28 vjeç", tha ai.

— Burim: Klan Kosova, https://klankosova.tv/situata-politike-ne-vend-paralajmeron-maloku-nese-vazhdon-keshtu-do-te-perballemi-me-protesta-video/

— Redaksia ZHURMA